अत्रीदेव खबर/ चैत्र २३
कैलालीको घोडाघोडी नगरपालिका-१ सुखडमा रहेको न्यु स्टार इङ्ग्लिस बोर्डिङ्ग स्कुलको बार्षिक परिक्षाफल आज एक कार्यक्रमको आयोजना गरि सार्बजनिक गरिएको छ ।
बिधालयको प्राङ्गणमा भएको नतिजा प्रकासन समारोहमा बिद्यार्थी ,अभिभावक तथा शुभचिन्तकहरुको बाक्लो उपस्थिति रहेको थियो । कार्यक्रममा उपस्थित अभिभावकहरुले आफ्ना नानिबाबुहरुको प्रगती तथा क्षमता बिकासमा न्यु स्टारको उल्लेखनीय भुमिका रहेको भन्दै प्रशंसा गरेका थिए ।
नतिजा प्रकासित कार्यक्रममा मन्टेस्वरी देखि कक्षा ४ तथा ६ देखि ९ सम्मका बिद्यार्थीहरुको बार्षिक नतिजा प्रकाशन गरिएको बिधालयका संस्थापक प्रीन्सिपल पिआर भण्डारीले जानकारी दिनुभयो । कक्षा ५ र ८ को नतिजा नगरपालिकाले निकालेको कारण आफुहरुले बाकी कक्षाको नतिजा सार्बजनिक गरेको भण्डारीले बताउनुभयो ।
कार्यक्रममा बर्षभरी आफुले गरेको मेहनतको फल पाउँदा बिधार्थीमा बेग्लै उमंग थियो भने शिक्षक शिक्षिका पनि आफुले गराएको अध्यापनको नतिजाबाट खुशी देखिन्थिए । हरेक कक्षा तथा बिधामा उत्कृष्ट नतिजा हासिल गरेका बिधलाइ ट्रफी सहित कापी कलम तथा उपहारले पुरस्कृत गरिएको थियो ।
