काठमाडौं : संघीय संसद्को प्रतिनिधिसभामा आजदेखि बजेट अधिवेशन सुरु हुँदैछ । अधिवेशनको पहिलो दिन प्रधानमन्त्री केपी शर्मा ओलीले समसामयिक राजनीतिक विषयमा सम्बोधन गर्ने कार्यक्रम रहेको संसद् सचिवालयले जनाएको छ ।
बैठक दिउँसो १ बजेका लागि बोलाइएको छ भने अधिवेशन प्रारम्भको अवसरमा दलगत आधारमा सांसदहरूले आफ्ना धारणा राख्ने कार्यसूची तय गरिएको छ ।
यता, नेताहरूले शिक्षा तथा निजामती सेवासम्बन्धी विधेयकहरू अघि बढाउने तयारी भइरहेको बताएका छन् । यद्यपि, पहिलो दिनको सम्भावित कार्यसूचीमा ती विधेयकहरू पेश गर्ने कार्यक्रम भने समावेश गरिएको छैन ।
२०८२ बैशाख १२, शुक्रबार
