अत्रिदेव खबर/ संस्कार र शिक्षाको उत्कृष्ट सङ्गम कैलालीको घोडाघोडी नगरपालिका-१ मा रहेको न्यु स्टार इङ्लिस बोर्डिङ स्कुलले आइतबार लागू औषध तथा मानव बेचबिखन विरुद्ध जनचेतनामूलक कार्यक्रम गरेको छ ।
न्यु स्टार इङ्ग्लिस बोर्डिङ स्कुलको आयोजना तथा इलाका प्रहरी कार्यालय सुखडको सहकार्यमा प्रहरी-समुदाय साझेदारी कार्यक्रम अन्तर्गत लागू औषध तथा मानव बेचबिखन विरुद्ध जनचेतना कार्यक्रम गरिएको विद्यालयका संस्थापक प्रिन्सिपल परशुराम भण्डारी(पिआर) ले बताउनुभयो । 
कार्यक्रममा सहभागी बिद्यार्थीलाइ इलाका प्रहरी कार्यालय सुखडका प्रहरी निरीक्षक श्री दीर्घ सिंह साउदले बढ्दो लागु औषधको प्रयोग त्यसले समाजमा पारेको असर र त्यस्ता क्रियाकलापबाट बच्ने उपायबारे सहजीकरण गर्नुभएको थियो । साउदले बिद्यार्थीहरुलाइ मानव बेचबिखन विरुद्ध समेत सचेतिकरण बारे जानकारी गराउनुभएको हो ।
आइतबारै शैक्षिक अभियन्ता क्षेत्रप्रसाद ज्ञवालीले विद्यार्थी उत्प्रेरणा तथा एसइई बुस्टअप सम्बन्धी अभिमुखीकरण तथा उत्प्रेरणा सहजीकरण गर्नुभएको थियो । कार्यक्रममा सहभागीहरूलाई विद्यालयका प्रिन्सिपल परशुराम भण्डारी(पिआर)ले शिक्षा र संस्कार को विषयमा आफ्ना धारणा व्यक्त गर्नुभएको दिनुभयो।
२०८१ माघ १३, आईतबार
