काठमाडौं : नेपाल आयल निगमले पेट्रोलियम पदार्थको मूल्यमा फेरि वृद्धि गरेको छ । आज रातिदेखि लागू हुने गरी निगमले पेट्रोलको मूल्य प्रतिलिटर ५ रुपैयाँ बढाएर १६५ रुपैयाँ पुर्याएको छ ।
यस्तै, डिजेल र मट्टीतेलको मूल्यमा पनि प्रतिलिटर ४ रुपैयाँ वृद्धि भएको छ । अब डिजेल र मट्टीतेलको नयाँ मूल्य प्रतिलिटर १४९ रुपैयाँ कायम भएको छ ।निगमका अनुसार इन्डियन आयल कर्पोरेशन (आईओसी) बाट नयाँ मूल्यसूची बढेर आएकाले यहाँ पनि मूल्य समायोजन गरिएको हो ।
यसका साथै, हवाई इन्धन (अन्तर्राष्ट्रियतर्फ) को मूल्य पनि बढेको छ । निगमले प्रतिकिलोलिटर अमेरिकी डलर ५१ ले वृद्धि भएको जानकारी दिएको छ ।
२०८२ अषाढ १७, मंगलबार
