अत्रिदेव खबर : घोडाघोडी नगरपालिका-१० स्थित कलम बम मेमोरियलकि छात्रा देशव्यापी चित्रकला प्रतियोगितामा नेपाल प्रथम भएकी छिन ।
२१ सेप्टेम्बरमा मनाइने विश्व शान्ति दिवसका अवसरमा नेशनल यूथ काउन्सिल -नेपाल स्काउटले आयोजना गरेको देशव्यापी चित्रकला प्रतियोगितामा कलम बम मेमोरियलमा कक्षा ७ मा अध्ययनरत छात्रा निशा बोहरा नेपालकै प्रथम स्थान हासिल गर्न सफल भएकी हुन ।
कैलालीको मध्यवर्ती क्षेत्रमा गुणस्तरीय शिक्षासँगै बिद्यार्थीहरुलाइ सामाजिक तथा सांस्कृतिक पहिचानका बारेमा जानकारी गराउँदै व्यवहारिक शिक्षा प्रदान गर्दै आइरहेको कलम बम मेमोरियलले आफ्नो विद्यार्थीले देशमै प्रथम स्थान प्राप्त गरेकोमा खुसी व्यक्त गरेको छ ।
विद्यालयका प्रिन्सिपल युवराज बमले कलम बम मेमोरियलको लक्ष्य भनेको किताबी ज्ञानमा मात्र विद्यार्थीलाई प्रेरित गर्नु नभई व्यवहारिक शिक्षामा समेत जोड दिनु भएको र त्यस प्रयासले सार्थकता पाउने क्रम सुरु भएको बताए ।
