अत्रिदेव खबर / साउन २८ : कैलालीको घोडाघोडी नगरपालिका-१० पहलमानपुरमा रहेको कलम बम मेमोरियल इङ्ग्लिस स्कुलले बिद्यार्थीहरुका लागि स्मरण शक्ति अभिवृद्धि तथा विद्यार्थी प्रेरणात्मक अभिमुखीकरण सम्पन्न गरेको छ ।
कैलालीको मध्यक्षेत्रमा अवस्थित विद्यालयले शिक्षासँगै बिद्यार्थीहरुलाइ उत्प्रेरणा तथा सकारात्मक मार्ग पहिल्याउने गतिविधिमा संलग्न गर्न जरुरी रहेका कारण यसरी अभिमुखीकरण कार्यक्रम गरिएको विद्यालयका प्रिन्सिपल युवराज बमले बताए । विद्यालयले बिद्यार्थीहरुलाइ पडाइसँगै सामाजिक तथा सांस्कृतिक गतिविधिमा समेत सहभागी गराउँदै आएको बमले बताए । 
आज सम्पन्न अभिमुखीकरणका प्रमुख सहजकर्ता तथा मोटिभेसनल स्पिकरका रूपमा वासुदेव ओली रहेका थिए । सहजकर्ता ओलीले विद्यालयले गरेको यस किसिमको कार्य निकै प्रशंसनीय रहेको बताए । अभिमुखीकरण कार्यक्रममा विद्यालयका कक्षा ५ देखि कक्षा १० सम्मका बिद्यार्थिहरु सहभागी रहेका थिए ।
