अत्रिदेव खबर \फागुन ०४
नेकपा समाजवादी घोडाघोडीका चर्चित नेताहरू नेकपा एमाले प्रवेशको तयारीमा रहेको पाइएको छ ।
कैलालीको सुखडमा फागुन ६ र ७ गते हुने नेकपा एमाले कैलालीको जिल्ला अधिवेशनमा उद्घाटनमा आउने एमाले अध्यक्ष केपी शर्मा ओलीको हातबाट टिका लगाएर एमाले फर्कने तयारीमा नेकपा समाजवादी घोडाघोडीका चर्चित नेताहरू रहेको श्रोतले जानकारी दिएको छ ।
नेकपा एमालेबाट विद्रोह गरेर नेकपा समाजवादीमा गएका र एमालेमा फर्कने तयारीमा रहेका नेताहरू मध्यका एक नेताले अत्रिदेव खबरसँग कुरा गर्दै भने म लगायत केही साथी ६ गते एमालेमा फर्कने तयारीमा छौ । उनी भन्छन्,हामी आफ्नो मूल घरमा फर्कने अन्तिम तयारीमा छौ । एमालेका नेताहरूसँगको अन्तिम बसाई पछि निर्णय गर्छौ ।
