सुखड : कैलालीको घोडाघोडी नगरपालिकाको कार्यालयमा लगाइएको ताला खुकेको छ। वडा नम्बर ४ का स्थानीयले सडक कालोपत्रे, नदीमा तटबन्ध र मनोमानी नदीजन्य पदार्थको कर सङ्कलन गरेको भन्दै लगाएको ताला पालिकासंगको सहमतीमा खुलेको छ ।
उनीहरुले तीन बुँदे मागसहित वडा नम्बर ४ र नगरपालिकाको कार्यालयमा ताला लगाएका थिए । वडा नम्बर ४ को सिमथरी चोकदेखि गैडाखेडासम्म कालोपत्रे सडक, टेङ्गना नदीमा तटबन्ध र नदीजन्य पदार्थ सङ्कलनको ठेक्का पाएको कम्पनीले मनोमानी शुल्क लिएको भन्दै वडाका नागरिक आन्दोलित भएका हुन्।
वडा र नगरपालिकाको कार्यालय घेराउ गर्दै उनीहरूले तालाबन्दी गरेपछी कार्यलयमै रहेका नगर प्रमुख खडक रावतले आफू नागरिक प्रती जिम्मेवार रहेको र जनताका जायज माग पूरा गर्न लाग्ने र सडकको मर्मत सम्भार गर्ने प्रतिबद्धता पछि सहमती जुटेको प्रमुख प्रसासकिय अधिकृत दान बहादुर ऎडीले अत्रीदेव खवरलाइ जानकारी दिए ।
