अत्रीदेव खबर / १६ मसिंर सुखड : कैलालीको धार्मिक तथा पर्यटकीय क्षेत्र घोडाघोडी मन्दिर परिसरमा सरसफाइ गरीएको छ । नेपाली काँग्रेसको भातृ संस्था नेपाल तरुण दल घोडाघोडी नगर कार्यसमितिको आयोजनामा सरसफाइ गरिएको हो । मन्दिर भित्र रहेको फोहोर सङ्कलन तथा सरसफाइ गर्नुको साथै मन्दिर वरपरको फोहोरलाई सङ्कलन गरी सरसफाइ गरेको थियो ।
नेपाल तरुण दल घोडाघोडी नगर कार्यसमितिको आयोजनामा भएको सरसफाइ कार्यक्रममा नेपाल प्रहरी, नेपाल तरुण दल तथा नेपाल विद्यार्थी सङ्घमा आबद्ध युवाहरू, नेपाली काँग्रेस बाट निर्वाचित वडा अध्यक्षहरू र नेपाली काँग्रेसका नेता तथा कार्यकर्ताहरूको उपस्थिति रहेको थियो ।
घुम्न आउने पर्यटकलाई ताल तथा मन्दिर क्षेत्रको राम्रो सन्देश जाओस भनेर आफूहरूले सरसफाइ सुरु गरेको नगर अध्यक्ष महेन्द्र शाहले बताए । आगामी दिनमा पनि यस्ता सामाजिक कार्यमा सधैँ हातेमालो गरेर अगाडी बढ्ने उनले जानकारी दिए । धार्मिक तथा पर्यटकीय क्षेत्र घोडाघोडी मन्दिरमा सरसफाइ लाई निरन्तरता दिने शाहले जानकारी दिए ।
