काठमाडौं: राष्ट्रिय प्रजातन्त्र पार्टी (राप्रपा) का सांसद दिपक सिंह काठमाडौं प्रहरी परिसरबाटै पक्राउ परेका छन्। राप्रपा नेपालका अध्यक्ष कमल थापालाई भेट्न पुगेका सिंहलाई प्रहरीले परिसरभित्रैबाट नियन्त्रणमा लिएको हो।
राजावादी आन्दोलनका क्रममा राप्रपा नेपालका अध्यक्ष कमल थापासहित ८ जनालाई पक्राउ गरिएपछि थापालाई भेट्न प्रहरी परिसर पुगेका सांसद सिंह आफैँ पक्राउ पर्नुले स्थितिलाई थप तनावपूर्ण बनाएको छ। यस घटनाले राजावादी शक्ति र सरकारबीचको टकराव थप बढ्ने सङ्केत दिएको छ। प्रहरीले सिंहलाई किन नियन्त्रणमा लियो भन्नेबारे थप विवरण आउन बाँकी छ।
२०८२ जेष्ठ १८, आईतबार
