अत्रीदेव खबर / असार ३० : राष्ट्रिय स्वतन्त्र पार्टी (रास्वपा)का पूर्वमहामन्त्री डा. मुकुल ढकालले उपसभापति स्वर्णिम वाग्लेले आफूलाई कुट्ने धम्की दिएकाे बताएका छन्।
स्वर्णिम वाग्लेको सचिवालयबाट आफूलाई पटक पटक फोन गरेकाे र आफूले फोन नउठाएपछि सँगै बस्ने भाइलाई फोन गरेर आफूलाई कुट्ने धम्की दिएकाे बताएका हुन्।
ढकालले शनिबार राति इलाकाको डिएसपीलाई फोन गरेर सुरक्षा व्यवस्था मिलाइदिन आग्रह गरेको समेत बताएका छन्।
‘स्वर्णिम वाग्लेको सचिवालयबाट मलाई पटक पटक फोन गरे, फोन उठाइन। मसँगै बस्ने भाइलाई फोन गरेर “मुकुललाई कुट्छु, त्यसलाई छोड्दिन”… लगायत अनेक भनेकाले, हिजै राती इलाकाको डिएसपिलाई फोन गरेर सुरक्षा व्यवस्था मिलाइदिन आग्रह गरेको छु’, उनले सामाजिक सञ्जालमार्फत लेखेका छन्।
